Tu âs cirût la peraule
monolengâl
torne indaûr

monolengâl

butâ jù loc.v.
Fâ colâ (ancje fig.)
esemplis
" si butà sul cjâf un façoletat e un grumâl intor de panze, e vie sul toblât a butâ jù il fen pes sôs bestiis"
gjavât fûr di "Il fi de Rosse" di Pieri Menis
"il Micul al finì par tiere, butât jù di un sganaf"
gjavât fûr di "Il Bulo di Crodio" di Maria Forte
butâ jù loc.v.
Cun tant che obiet une monture o alc di simbolic di une cariere, di une profession, di une ativitât, molâ chê cariere, chê profession, chê ativitât
esemplis
"par un an al puartà tonie di cleric e al fasè il zagut in glesie cuntune ande sostignude di santuçat. Po al butà jù la tonie e al tornà in bregons a saltâ, a zuiâ e a robâ pomis tai bearçs, cu la masanade dai fruts"
gjavât fûr di "I arcs" di Maria Forte
butâ jù loc.v.
[TS] (zûcs) Meti su la taule une cjarte di zûc
sinonims
meti jù, zuiâ
esemplis
"a ogni cjarte che al butave jù l'om che i stave denant, Eliseo al cirive di pensâ cemût che al varès zuiât lui"
gjavât fûr di "Prime di sere" di Carlo Sgorlon
butâ jù loc.v.
[TS] (artes.) Tal lengaç dai fornasîrs, meti a suiâ il modon a pene stampât
esemplis
"«Môf chel poleâr, gnogno! Sêstu indurmidît?» [...] «Tu podevis lâ predi, se no ti smeche di cori. Vie! E sta atent di butâ jù ben e dret!»"
gjavât fûr di "La scuele dai fornasîrs" di Pieri Menis
"i mulats si scanavin a butâ jù e tirâ placis di modons"
gjavât fûr di "La aghe da pît la cleve" di Dino Virgili
butâ jù loc.v.
Sierâ une comunicazion telefoniche a sec, ancje cun male creance (coloc.)
sinonims
sierâ, meti jù
esemplis
""Ce volevino?" "No sai, a jerin chei de publicitât e o ai butât jù""
butâ jù loc.v.
Gloti
sinonims
parâ jù, gloti, mandâ jù
esemplis
"Justin al veve butât jù un tai sence nancje tirâ flât"
gjavât fûr di "Îr e doman" di Gianni Gregoricchio
"o ai butât jù chel got di te che al restave"
gjavât fûr di "Il cop" di Laurin Zuan Nardin
butâ jù loc.v.
Meti intun stât di depression, di aviliment (fig.)
sinonims
discunî, nichilî, scunî, disfâ, avilî, abati
esemplis
""Tu sì invezi tu sês ben. Tu no tu ti lassis butâ jù come me." "Par difûr no si pues viodi ce che un al à didentri" e al veve come une sfumadure di dûl te vôs"
gjavât fûr di "Fûr di timp" di Jolanda Mazzon
"une robe dal gjenar ise une robe che e à di butânus jù, ise une robe che e à di avilînus?"
gjavât fûr di "In non di Diu scomençait!" di Francesc Placerean
butâ jù loc.v.
Fâ deventâ plui debil, mandâ in piês lis cundizions di salût (fig.)
esemplis
"jo le ai za vude e tu procure di no cjapâle, e je dome une influence però ti bute jù"
gjavât fûr di "Cungjò Friûl" di Jolanda Mazzon
butâ jù loc.v.
Scrivi, dissegnâ o rapresentâ su la cjarte o su altris materiâi
sinonims
scrivi
esemplis
"butâ jù su chestis puaris cjartis, propit cumò, lis impressions nol è pussibil"
gjavât fûr di "Viaç a Vignesie" di Arturo Feruglio
"e butà jù, in presse, une letare par Zuan"
gjavât fûr di "La tiere di Lansing" di Maria Forte
""Cun jê e sta ancje une fie, la plui zovine dai fradis. Mah! Al semee che e buti jù i modei di vistîts par une sartore [...]""
gjavât fûr di "Îr e doman" di Gianni Gregoricchio
butâ jù loc.v.
Fâ lâ jù di cuantitât, cualitât, intensitât e v.i.
sinonims
calâ, sbassâ
esemplis
"si scuen butâ jù i chilos di masse cuntune diete cun pocjis caloriis"
gjavât fûr di "Curâ il diabete" di Guglielmo Pitzalis
"no veve fiere, che la veve butade jù cu lis midisinis, ma i balavin i voi e i clopavin i zenoi"
gjavât fûr di "Di là de rêt" di Jolanda Mazzon
butâ jù loc.v.
Someâ plui zovin di un ciert numar di agns
esemplis
""Cence barbe tu butis jù dîs agns, ma tu butis jù propit chei miôrs e no tu mi plasis plui""
gjavât fûr di "Zûcs di Istât" di Agnul di Spere
detulis
"chê che no ame lis rosis, e je une cjase di butâ jù"
"cuant che no 'nd è sul stali, no si po butâ jù pal golâr"
"cui che i insegne al mus a butâ jù il sac e a mangjâ la farine si ridûs a dovê lâ a mulin bessôl"
"cui che nol vûl vê ostarie che al buti jù la frascje"
"la vacje dal bon bovâr e bute jù il pêl il mês di Zenâr"
torne sù